Cuerbefuòc
Un cuerbefuòc (var. cobrifuòc) es una interdiccion a la populacion de circular per carrieras durant un periòde donat de la jornada, generalament de nuech. Es possible de l'aplicar en temps de guèrra ò de patz. Generalament, es decidit per lo govèrn ò l'autoritat en carga d'un país, d'una region ò d'una vila. Son objectiu es de permetre ai fòrças de polícia ò a l'armada d'assegurar la seguretat dins la zòna somesa au cuerbefuòc per protegir la populacion còntra una menaça importanta. Dins lei fachs, lo cuerbefuòc es tanben utilizat per de regims dictatoriaus per reprimir de movements d'oposicion.