Veire la font de Comunautat Economica Europèa

{{Infobox
|tematica=
|carta=
}}
La '''Comunautat Economica Europèa''' (CEE) nasquèt, aprèp lo fracàs de la [[Comunautat Europèa de Defensa]] (CED) e lo succès de la [[Conferéncia de Messina, 1èr al 3 de junh de 1955]], en seguida de la signatura del [[Tractat de Roma]], lo [[25 de març]] de [[1957]] al capitòli de Roma.

== Istòria ==

Amb la signatura del [[Tractat de Roma]], los sièis païses crean doas comunautats novèlas que s'ajustan a la [[Comunautat Europèa del Carbon e de l'Acièr]] (CECA) :
* la Comunautat Economica Europèa (CEE)
* la [[Euratom|Comunautat Europèa de l'Energia Atomica]] (EURATOM)

La CEE aviá per mission de despassar l'apròchi sectorial (del [[carbon]] e de l'[[acièr]]) per espandir l'integracion a tot lo domeni economic per crear un mercat comun vertadièr e un raprochament economic dels Estats membres. Aquò passava per la liura circulacion de las personas ([[Convencion de Schengen]]), dels bens, dels capitals e dels servicis; per l'abolicion de las restriccions doanièras entre sos membres; per l'instauracion d'una [[Politica Agricòla Comuna]] (PAC), etc.

Daissava tanben ja entreveire una Union economica e monetària, qu'es uèi simbolizada per l'[[èuro]].

== Membres fondadors ==

Los sièis païses signataires èran los membres de la CECA :
* [[Belgica]]
* la [[Republica Federala d'Alemanha]] (RFA) (èx-Alemanha de l'Oèst)
* [[França]]
* los [[Païses Basses]]
* [[Itàlia]]
* [[Luxemborg (país)|Luxemborg]].

== Membres actuals ==
Vejatz [[Union Europèa]]

== Institucions ==

La CEE (atal coma l'EURATOM) dispausava de sas pròprias institucions :
* la ''Comission'' : organ executiu supranacional. Serà fusionada en [[1967]] amb los executius de la CECA e de l'EURATOM en une comission unica, la [[Comission Europèa]]
* un ''Conselh dels ministres'' : organ intergovernamental.
* una ''Assemblada parlamentària'' comuna a las tres comunautats (CECA, CEE, EURATOM) qu'èra compausada de representants nacionals designats per lor [[Parlament]]. Basada a [[Estrasborg]], aquesta assemblada vendrà pus tard lo [[Parlament Europèu]].
* una [[Cort de Justícia de las Comunautats Europèas|Cort de Justícia]], basada a [[Luxemborg (vila)|Luxemborg]].

Totas aquestas institucions se tornan trobar uèi dins l'estructura de l'[[Union Europèa]].

Dempuèi lo [[1èr de novembre]] de [[1993]], la denominacion de ''[[Comunautat Europèa]]'' remplaça la de ''Comunautat economica europèa''.

== Cronologia de l'Union Europèa ==
{{Cronologia Union Europèa}}

== Ligams extèrnes ==
* {{fr}}[http://www.robert-schuman.com/ Robert Schuman, paire d'Euròpa]

[[Categoria:Organizacion europèa]]