Cavilha (montatge)
Una cavilha es un sistèma de montatge e de ligam utilizat dins diferents domènis. Pòt consistir en un element util per fixar solidament una vitz dins un element que pòt èsser una paret. Tanben pòt èsser una tija de fusta que ven en complement d'un montatge de fusta per assegurar lo ligal entre dos elements.
Existís mai d'un tipe de cavilhas, qu'an cadun una utilizacion especifica.
Tipes[modificar | Modificar lo còdi]
Cavilha mecanica[modificar | Modificar lo còdi]
La cavilha mecanica pòt èsser de plastic o de metal. Las cavilhas modèrnas de plastic son adaptadas de materials coma la brica, los cairons e los materials clòts en general. Un traucatge del material es necessari abans lor mesa en òbra. Lor principi repausa sus una desformacion mecanica. Seguent los modèls, se bomban a l'interior del material o s'escartan contra las parets a l'interior del trauc. Las cavilhas de tipe Molly son de cavilhas metallicas adaptadas per las fixacions dins lo placoplastre. son inseridas amb lor vitz dins lo supòrt per percussion. Una pinça especiala permet la mesa en plaça definitiva e tirant la vitz vissada dins la cavilha. Amb aquestra traccion, la cavilha se sarra dedins lo material e pren una forma estelada. Puèi, la vitz se pòt vissat corrèctament a l'interior.
Existís un autre tipe de cavilha metallica adaptat a de materials fòrça denses coma lo beton. L'insercion se fa après un primièr perçatge. Es ascalada en dos, e la vitz inserida a l'interior comprima las parets de la cavilha per escartament a l'interior del trauc.
Cavilha quimica[modificar | Modificar lo còdi]
Per unes usatges dins de materials clòts, pòt èsser necessari d'utilizar una cavilha quimica. Après perçatge e levada totala de las poscas per buf pneumatica se possible, s'inserís dins lo trauc un produch bicompausant se trobant dins una dobla seringa amb la dòsi que cal. La mescla obtenguda emplís l'espaci e durcís en unas oras.
Domènis[modificar | Modificar lo còdi]
Fustariá[modificar | Modificar lo còdi]
.PNG)
En menusariá, s'utiliza de cavilhas per ligar doas pèças de fusta. Ambedos elements d'assemblar son perforats, puèi la cavilha es introducha e fixada dins los dos traucs, mejans una pega o una claveta. Aquesta mena de fixacion es subretot utilizat dins las fusteriás, las pòrtas e los armaris. Permeton un montatge desmontable tenon-mortaisa.