Veire la font de Carri Fiat M14/41

{{Dialècte Provençau}}

[[Fichièr:M14 slash 41 Bovington museum.jpg|thumb|right|[[Fotografia]] d'un Fiat M14/41 expausat dins un [[musèu]].]]

Lo '''carri Fiat M14/41''' es un [[carri de combat|carri]] [[carri mejan|mejan]] [[Itàlia|italian]] de la [[Segonda Guèrra Mondiala]] concebut coma un melhorament dau [[carri Fiat M13/40|Fiat M13/40]]. Partejava ansin lo quadre de son predecessor mai dispausa d'un blindatge un pauc pus eficaç. L'armament principau demorava un [[canon]] de 47 mm e l'arma segondari èra compausat de quatre [[mitralhièra]]s de 8 mm. Un [[motor diesel]] permetiá d'agantar una [[velocitat]] de 32 km/h sus rota. Pasmens, aqueu carri gardava lei problemas dei carris [[Carri Fiat M11/39|Fiat M11/39]] e [[Carri Fiat M13/40|Fiat M13/40]], es a dire un canon e un [[blindatge]] tròp febles per tenir lo ròtle de [[carri mejan]], una fisabilitat mecanica insufisenta e una cadéncia de produccion incapabla de sostenir lei besonhs de l'[[Fòrças armadas italianas|armada italiana]]. Aperaquí 800 exemplaris foguèron produchs.

A son intrada en servici, lo Fiat M14/41 èra ja obsolèt mai participèt ai combats en [[Africa dau Nòrd]]. Èra capable de rivalizar amb lei [[carri leugier|carris leugiers]] aliats mai mostrèt rapidament sei limits còntra lei blindats pus pesucs. De mai, lei panas èran frequentas e lei veïculs tocats avián tendància a cremar, çò qu'empachava una reparacion. Après la capitulacion dei fòrças germanoitalianas en [[Africa]] en mai de [[1943]], la màger part deis exemplaris subrevivents foguèron capturats per leis Aliats. Assaièron de leis integrar dins sei fòrças mai lo retirèron rapidament.

== Liames intèrnes ==

* [[Carri Fiat M13/40]].
* [[Carri Fiat M15/42]].

== Bibliografia ==

* '''[[anglés|(en)]]''' Philip Trewhitt,'' Armored Fighting Vehicles'', Nòva York, Amber Books, 1999, p. 29

== Nòtas e referéncias ==
<references/>

[[Categoria:Carri italian]]
[[Categoria:Carri mejan]]
[[Categoria:Carri de la Segonda Guèrra Mondiala]]