Veire la font de Campanha de Vicksburg

[[Fichièr:Vicksburg h76557k.jpg|thumb|right|[[Litografia]] de [[1863]] representant lo passatge de la flòta de [[Ulysses S. Grant|Grant]] davant lei [[fortificacion]]s de [[Vicksburg]].]]

La '''campanha de Vicksburg''' es un ensemble d'operacions militaras que se debanèron dau 26 de decembre de [[1862]] au 4 de julhet de [[1863]] durant la [[Guèrra de Secession]]. Opausèt l'armada [[USA|unionista]] dau generau [[Ulysses S. Grant]] ai fòrças [[Estats Confederats d'America|confederadas]] dau generau [[John C. Pemberton]]. S'acabèt per una victòria dau Nòrd, succès que foguèt la premiera etapa dins la desfacha dau Sud.

== Contèxte ==

A la fin de [[1862]], lo Nòrd èra en superioritat numerica mai aviá de dificultats importantas per combatre lo Sud que dispausava de tropas pus experimentadas. Pasmens, maugrat una tiera d'ofensivas arrestadas, lo Nòrd aviá enregistrat quauquei succès coma la presa per suspresa de la [[Nòva Orleans]] (1{{èr}} de mai de [[1862]]) e la conquista de [[Tennessee]] a l'eissida de la [[batalha de Shiloh]] (6-7 d'abriu de [[1862]]). A tèrme, aquelei succès menaçavan de copar lo territòri dau Sud. Per aquela rason, lei Confederats [[fortificacion|fortifiquèron]] la vila de [[Vicksburg]], situat sus una bòna posicion defensiva, lòng de [[Mississipí (flume)|Mississipí]].

== Debanament ==

[[Fichièr:Guèrra de Secession - Operacions principalas de 1863.png|thumb|right|Esquèma generau de la campanha de Vicksburg durant leis operacions de [[1863]].]]

L'ofensiva nordista còntra [[Vicksburg]] comencèt en decembre de [[1862]] per d'operacions preliminàrias que permetèron d'organizar una ataca dirècta a partir dau 26. Pasmens, entre genier e març de [[1863]], lei paluns de [[Mississipí (flume)|Mississipí]] bloquèron aisament totei lei projèctes de [[Ulysses S. Grant|Grant]] (construccion d'un canau, ataca per de rius segondaris... etc.).

Finalament, a la fin d'abriu, lo cap unionista decidèt de cambiar totalament de plans. Gràcias a de fintas destinadas a atraire l'atencion de [[John C. Pemberton|Pemberton]] vèrs lo nòrd, poguèt embarcadar sei fòrças, passar de [[nuech]] davant la [[garnison]] de [[Vicksburg]] e desbarcar au sud de la vila. Aquò li permetèt de trobar de rotas practicablas. De mai, lo movement susprenguèt lei Sudistas que reagiguèron tardivament. Aprofichant aqueu retard, [[Ulysses S. Grant|Grant]] poguèt atacar vèrs lo nòrd per se plaçar a l'èst de [[Vicksburg]] e isolar sei defensors entre [[Mississipí (flume)|Mississipí]] e son armada.

La temptativa de sortida de la [[garnison]] foguèt rebutada a la [[batalha de Champion Hill]] (16 de mai de [[1863]]). Aquò permetèt ai Nordistas de començar lo [[sètge de Vicksburg|sètge dirècte de la vila]] lo 18 de mai. La [[garnison]] resistiguèt amb acarnament car dispausava d'una [[artilhariá]] poderosa. Pasmens, lei còntra-ofensivas sudistas per liberar la vila dempuei l'èst mau capitèron, e la vila capitulèt lo 4 de julhet de [[1863]].

== Consequéncias ==

Lei pèrdas umanas de la campanha foguèron relativament equilibradas amb aperaquí {{formatnum:10000}} tuats e bleçats dins lei rengs nordistas e {{formatnum:9000}} dins aquelei dau Sud. Pasmens, {{formatnum:30000}} Confederats foguèron capturats. De mai, après la presa dei darrierei posicions sudistas lòng de [[Mississipí (flume)|Mississipí]], lo territòri dei rebèls èra desenant copat, çò que privèt leis armadas sudistas dei renfòrç en provenància de [[Tèxas]].

== Liames intèrnes ==

* [[Batalha de Champion Hill]].
* [[Guèrra de Secession]].
* [[Sètge de Vicksburg]].

== Bibliografia ==

== Nòtas e referéncias ==
<references/>

{{DEFAULTSORT:Vicksburg, Campanha de}}

[[Categoria:Batalha de la Guèrra de Secession]]