Batalha de Kufra
La batalha de Kufra se debanèt dins lo corrent de la Segonda Guèrra Mondiala dau 31 de genier au 1èr de març de 1941. Foguèt la consequéncia d'una ataca dei tropas francesas liuras de la colona dau coronèu Leclerc (400 òmes e 1 canon) còntra lo fòrt italian de Kufra (310 òmes e 4 canons). Isolats e secutats per lei Francés, leis Italians foguèron obligats de capituar après un mes de sètge.
Aquela batalha menora (4 mòrts dins lei rengs francés, 3 dins l'armada italiana) venguèt fòrça importanta per la propaganda francesa car marquèt l'aparicion dei Fòrças Francesas Liuras dins lo conflicte. En particular, Leclerc e seis òmes jurèron de combatre fins a la liberacion d'Estrasborg.