Auvesera

Auvesera
Caracteristicas
Longor	112 km
Bacin	?
Bacin collector	Dordonha
Debit mejan	8,52 m3⋅s-1 (Lo Chamge)
Riu
S'escampa dins	Eila
Geografia
Païses traversats	França

Auvesera [ɔwve'ʐɛrɒ] (en francés Auvézère) es una ribiera occitana dau sud-oest de França (regions de Lemosin e d'Aquitània).

Etimologia

Auvesera a per origina la rasiga preceltica idronimica °Vis- (que donet tanben Vesera), lo prefixe °Al- e lo sufixe prelatin °-era. Trobam entau Alvesera (1185) e Auvezera (1458).

Geografia

La font d'Auvesera se tròba au sud de Sent German las Belas dins lo departament de Nauta Vinhana, a 480 m d'altitud. La ribiera entra tanleu en Corresa, puei se junh a-d'Eila en Bassilhac (Dordonha), apres un cors de 112 km. Sus la comuna de Cujac, una partida de l'aiga d'Auvesera dispareis dins l'abisme dau Moulin des Soucis per júnher Eila rasís Sent Vincenç d'Eila.

Departaments e localitats asaigadas

• Nauta Vinhana : Sent German las Belas
• Corresa : Liberçac, Segur lo Chasteu
• Dordonha : Paisac de la Noalha, Savinhac Ledrier, Janiç, Tortoirac, Cujac, Lo Chamge, Bassilhac.

Idrologia

• Lo debit mejan d'Auvesera es de 8,5 m³/s. Lo 11 de genier de 1996, l'estacion idrologica dau Chamge enregistret un debit maximau jornalier de 158 m³/s.

Afluents principaus

• Penchenariá (rm)
• Bochosa (rd)
• Dalon (rg)
• Lorda (rm)
• Blasme (rm)

N.B. : (rd) = afluent riba drecha ; (rm) = afluent riba mança

Luòcs remirables

Las gòrjas d'Auvesera.

• Las Gòrjas d'Auvesera, devers Sent Maimin e Janiç
• L'anciana abadiá de Tortoirac
• Lo Saut dau Blasme, en la Farja d'Ans