Veire la font de Amr ibn al-As

{{Dialècte Provençau}}

'''Amr ibn al-As''' († [[664]], [[Egipte]]) es un generau [[Arabs|arabi]] dau sègle VII que foguèt companhon de [[Maomet]]. [[Noblesa|Noble]] de la tribü Qurays, s'opausèt inicialament a l'[[islam]] avans de se convertir vèrs [[629]]-[[630]]. Après una mission [[diplomacia|diplomatica]] en [[Oman]] que mau capitèt, [[Maomet]] li fisèt la direccion d'expedicions militaras. Amr ibn al-As gardèt aqueu ròtle après la [[mòrt]] dau Profèta. Participèt ansin a la conquista de [[Siria]], de [[Palestina]], de [[Cilícia]], d'[[Iraq]] e d'[[Egipte]]. Aguèt un ròtle major dins la presa d'aquela darriera region e ne'n foguèt nomat governador en [[640]]. Adoptèt una politica moderada en gardant l'òrdre sociau e [[religion|religiós]] en plaça en cambi dau pagament d'[[impòst]]s. Puei, organizèt la conquista de [[Libia]]. En [[646]], perdiguèt lo contraròtle d'[[Egipte]] e se raprochèt dei faccions [[conservatisme|conservatritz]]. Ansin, durant la [[Premiera Fitna]], se ralièt a [[Muawiya]]. Aquò li permetèt de tornar venir governador d'[[Egipte]]. Moriguèt dins aqueu [[país]] e foguèt enterrat a [[Fustat]].

== Liames intèrnes ==

* [[Egipte]].
* [[Premiera Fitna]].

== Bibliografia ==

* '''[[anglés|(en)]]''' Michael Lecker, « The Estates of 'Amr b. al-'Āṣ in Palestine: Notes on a New Negev Arabic Inscription », ''Bulletin of the School of Oriental and African Studies, University of London'', vol. 52, n° 1, 1989, pp. 24-37.
* '''[[anglés|(en)]]''' Abu Nayeem Muhammad Raisuddin, « Amr ibn al-As and His Conquest of Egypt », ''Islamic Culture'', vol. 55, n° 4, 1981, pp. 277-290.
* '''[[anglés|(en)]]''' Frank R. Trombley, « Fiscal documents from the Muslim conquest of Egypt: military supplies and administrative dislocation, ca 639-644 », ''Revue des Études Byzantines'', 2013, vol. 71, pp. 5-38.

== Nòtas e referéncias ==
<references/>