Alta-au-fuòc
Una alta-au-fuòc (var. alt-al-fuòc, alta-au-fuec, cessatz-lo-huec) es una pausa deis ostilitats durant un periòde de guèrra. Es generalament un acòrd bilaterau negociat e signat per de representants de cada partida en conflicte. Pasmens, pòu de còps èsser proclamat unilateralament per un dei protagonistas. Una alta-au-fuòc compren generalament tres partidas depintant la durada de la pausa, la zòna geografica regardada e la definicion deis accions enebidas. Significa pas la fin dau periòde de guèrra o lo restabliment de la patz.