Ajuda:Ligams extèrnes

Dins Wikipèdia, un ligam extèrne es un iperligam que sa destinacion es pas una autra pagina d'un projècte de la Wikimedia Foundation, per exemple : Lo Congrès

Los ligams extèrnes se pòdon plaçar solament dins las seccions "Ligams extèrnes" o "Referéncias".

Doas interfàcias son disponiblas per inserir ligams extèrnes
Wikicode « modificar lo còdi »	Editor Visuall « modificar »
Seleccionar lo mot o lo tèxte qu'i volètz apondre un ligam, Dins la barra d'aisinas de l'editor, clicar sus la cadena () puèi clicar sul boton « Cap a una pagina Web extèrna», Picar lo títol de l'article e lo tèxte del ligam, Clicar sus inserir lo ligam. Ajuda:Cossí_modificar_una_pagina_en_wikicòdi#Far la modificacion	Seleccionar lo mot o lo tèxte qu'i volètz apondre un ligam Dins la barra d'aisinas de l'editor visual, clicar sul boton o utilizar la corcha clavièr `Ctrl` + `K` (o `Command` + `K` sus un Mac), un ligam serà apondut sus aqueste tèxte. Pels ligams d'un sol mot, sufís de far aquò quand lo cursor es sul mot. Ajuda:EditorVisual#Modificar_los_ligams (mai aisit per un debutant sus Wikipèdia que lo wikicòdi)

Atencion : Nombroses iperligams son pas autorizats : ligams Facebook, Twitter (o tot autre malhum social), forum, blog personal, sites qu'albergan videos (Youtube ...) o adrèça mail

Sintaxi de basa

Se volètz picar dirèctament lo còdi, la sintaxi se compausa d'un croquet dobrant seguit de l'adreça URL, d'un espaci, del títol del ligam puèi d'un croquet tampant :

Sintaxi : [http://nomdelsite.eu Tèxte afichat]
Exemple : [http://www.locongres.org Lo Congrès permanent de la lenga occitana] -> Lo Congrès permanent de la lenga occitana.

Notatz que cal un espaci entre l'URL e lo tèxte mas cal pas daissar d'espaci entre lo croquet dobrant e l'URL.

La descripcion d'un ligam extèrn es fòrça recomandada. La descripcion deu èsser corta, explicita e conténer lo nom del site.

Cal pas utilizar las sintaxis seguentas perque son mens esteticas e mens legiblas (per las lecturas en mode tèxte) :

http://www.locongres.org
[http://www.locongres.org]

Còdi de lenga

Se la pagina cibla es en occitan, la sintaxi de basa sufís. Per contra se la pagina cibla es escrita dins una autra lenga, pòt èsser util d'o senhalar al lector per un còdi de lenga.

Per exemple per senhalar una pagina en anglés : {{en}} [https://www.nytimes.com Jornal ''The New York Times'']. -> (en) Jornal The New York Times.

Consultar l'article detalhat per la lista complèta dels còdis de lenga possibles.

Caractèrs especials

Los URL que contenon de caractèrs especials pòdon pausar de problèmas. Per evitar aquò, cal encodar los caractèrs problematics en UTF-8 amb %. Per exemple, lo caractèr espaci deu èsser remplaçat per %20.

sp	"	'	,	;	<	>	?	[	]	\|
%20	%22	%27	%2c	%3b	%3c	%3e	%3f	%5b	%5d	%7C

L'apostròf simple a pas besonh d'encodatge, mas s'es present mai d'un còp, serà interpretat coma una mesa en italic o en gras.

Un site es sovent temporari

Es util de donar d'informacions que permeton de tornar trapar lo document se l'adreça del site càmbia o desapareis d'Internet, per exemple :

per un libre, inscriure las meteissas indicacions que per l'exemplar papièr, s'es possible (títol, autor, data, edicion, pagina, ISBN) ;
per un tèxte oficial, inscriure sos noms usual (coma « loi Toubon ») e oficial (« lei relativa a… »), son numèro, sa data, las referéncias de la publicacion.

Cal tanben verificar lo ligam. De còps que i a, dins la pagina consultada, un menut permet de trobar un ligam estable (permalink).

Articles connèxes

Ajuda:Ligams_intèrnes