Abadiá de Sent Andrieu de Maismac
L'anciana abadiá benedictina de Sent Andrieu de Maismac, dins lo país d'Ussèl, en Lemosin, dins lo departament de Corresa, fuguet fondada au segle XI.
Arquitectura
[modificar | Modificar lo còdi]A l'entrada, lo cluchier-pòrge d'estil romanic lemosin, polilobat, que sos onze chapiteus ofrissen d'esculturas sus la fe, los sòmis, las esperanças, es la partida mai anciana de l'egleisa, sens dobte començada en 1085.
De peiras gravadas atestan la data de 1119 per la construccion dau transepte e de las absidas.
L'orientacion de las absidas (inclinadas vers la drecha au respecte de l'axe de la nau) pren per axe lo levar de solelh a l'auba de la festa dau sant patron.
Los chapiteus escultats dau nartex son dau segle XI.
La nau fuguet bastida a la fin dau XII. La vòuta, pausada sus crosada d'ogivas, es dau segle XIII (començament de l'estil gotic).
