Astronotus ocellatus
L'Òscar (Astronotus ocellatus) es un peis de la familha dels ciclids. Es originari d'America del Sud, del Peró al Brasil e es popular dins los aqüaris.
Abitat
[modificar | Modificar lo còdi]Aqueste peis pòbla principalament las aigas de feble corrent, al mitan de las brancas e dels troncs d'arbres tombats.
Descripcion
[modificar | Modificar lo còdi]Es un gròs peis que pòt aténher fins a 30 cm a l'atge adulte (e quitament un pauc mai). Lo distinguissèm en particular per son enòrma boca e son ocèla sul pedoncul caudal, es aquela qu'es a l'origina del nom ocellatus. A l'estat natural, sos flancs son lo mai sovent de brun a negre, aureolats de zònas roge iranjat. Pasmens, las fòrmas d'elevatge an generalament aquelas zònas que s'espandisson de còps uniformadament sus gaireben tot lo còs. Amai, existisson de fòrmas albinas, d'un blanc evòri e amb los flancs son coirats.
L'esperança de vida depassa los dètz ans dins de bonas condicions.
Mantenença
[modificar | Modificar lo còdi]Aqueste peis, de granda talha, necessita logicament un aqüari consequent. La mantenença de 5-6 subjèctes deu aver luòc dins un aqüari de 600 litres environ. Es desconselhat de manténer los òscars en cobles. En efièch, un dels dos peisses prendriá lo dessús e l'òscar dominat auriá una vida miserabla. Malgrat tot, se causissètz d'associar mantun òscar, fasètz plan atencion a lors talhas que devon èsser rigorosament las meteissas : se un escart de longor entre òscars excedissiá los 5 cm los mai pichons serián tuats per lors congenèrs.
L'aqüari deu èsser amainatjat de raices e de pèiras. Tot aquò deu èsser solidament fixat e plan agençat, perque l'òscar se pòt revelar un vertadièr bulldozer. Es per aquò que las plantas, tròp fragilas, seràn lo pus sovent malmenadas, e quitament arrancadas.
Coma aqueste peis es relativament resistent, los paramètres fisicoquimics de l'aiga an pas gaire d'importància. Malgrat sa talha, aqueste ciclid es puslèu calme e tranquille Son alimentacion serà a basa de peisses magres, cambaròts, muscles, etc., tot aquò en granda quantitat.
| Origina | America del Sud | Aiga | aiga doça |
|---|---|---|---|
| Duretat de l'aiga | 5-19 °GH | pH | entre 6 e 8 |
| Temperatura | 22-28 °C | Volum mini. | 300 l |
| Alimentacion | Carn de peisses magres, cambaròts | Talha adulta | mai de 30 cm |
| Reproduccion | ovipar | Zòna ocupada | plena aiga |
| Sociabilitat | Atencion als individús non apariats | Dificultat | - |
Reproduccion
[modificar | Modificar lo còdi]Un coble armoniós per la reproduccion pòt èsser mantengut dins un aqüari de 300 litres environ. L'òscar es un pondeire sus substrat descobèrt (mantun centenats d'uòus), e los dos parents suenharàn e gardaràn los pichons amassa. Los joves an una rauba negra e argentada e se noiriràn dels meteisses aliments que los parents, del moment que son pro pichons per èsser engolits.
Ligams extèrnes
[modificar | Modificar lo còdi]Referéncias taxinomicas
[modificar | Modificar lo còdi]- Astronotus ocellatus dins www.aquabase.org (fr)
- Astronotus ocellatus dans Aquaportail.com (fr)
- Referéncia FishBase :
- Referéncia ITIS : Astronotus ocellatus (Agassiz, 1831) (fr) ( (en))
- Referéncia Animal Diversity Web : Astronotus ocellatus (en)
- Referéncia Vetofish : espècia Astronotus ocellatus (fr)
Autres ligams extèrnes
[modificar | Modificar lo còdi]- (en) [vidèo] Òscar en captivitat
- (en) [vidèo] Un Òscar e sa progenitura