Ziphiidae
|
||||||||||||
|---|---|---|---|---|---|---|---|---|---|---|---|---|
 |
||||||||||||
| Balena de bèc comuna | ||||||||||||
| Règne | Animal | |||||||||||
| Embrancament | Chordata | |||||||||||
| Sosembr. | Vertebrata | |||||||||||
| Classa | Mammalia | |||||||||||
| Sosclassa | Theria | |||||||||||
| Infraclassa | Eutheria | |||||||||||
| Òrdre | Cetacea | |||||||||||
| Sosòrdre : | Odontoceti | |||||||||||
| Ziphiidae Gray, 1850 |
||||||||||||
|
|
||||||||||||
Percorrètz la zoologia sus Wikipèdia:
|
||||||||||||
Los zifiids son de cetacèus de dents (Odontocèts) que semblan de dalfins grandasses. Aquestes animals discrets, que s'obsèrva pro rarament en mar, son çaquelà d'una talha plan mai impausanta (de 4 m fins a 12,8 m per la balena de Bird per un pes de 1 a 10 tonas). S'apèla generalament aquestes animals balenas de bèc perque an un ròstre.
Aquesta familha se compausa de mantun genre :
- Berardius Duvernoy, 1851
- Hyperoodon Lacépède, 1804
- Indopacetus Moore, 1968
- Mesoplodon Gervais, 1850
- Tasmacetus Oliver, 1937
- Ziphius G. Cuvier, 1823
Compòrtament [modificar]
Las balenas de bèc se noirisson essencialament de calamars e de qualques peisses de nauta mar. Vivon en nauta mar dins totes los oceans del glòbe, abitualament solas o en gropes de doas o tres, mas arriba que cèrtas circulen en tropas de 25 a 40.
Anatomia [modificar]
Las balenas de bèc son, amb los dalfins d'aiga doça, los cetacèus actuals jutjats mai primitius. Lo bèc que los caracteriza es format per l'alongament de las doas maissas e varia d'una espècia a l'autra : long e ponchut pel tasmacèt de Shepherd (genre Tasmacetus), cort e rabassòt per las espècias del genre Mesoplodon. En rason de lor regim alimentari constituit gaireben exclusivament de cefalopòdes, la màger part dels genres (Hyperoodon, Ziphius e Mesoplodon) an pas que doas dents sus la maissa inferiora. Los Berardius n'an dos parelhs e lo tasmacèt de Shepherd n'a de nombrosas a cada maxillar.
Se pòt determinar l'espècia, l'edat e lo sèxe d'una balena de bèc gràcias a sas dents: lor nombre e lor emplaçament dins la maissa indican l'espècia (vejatz pus naut), las dents que la cavitat n'es emplenada indican qu'apartenon a un especimèn adulte, las que pòrtan de traças d'usança e que son sortidas de la gengiva apartenon a un mascle e enfin, las que son netas e que la pulpa n'es emplenada apartenon a una femèla.
Lo front dels mascles vièlhs presenta sovent un enflament prononciat que pòt blanquir amb l'edat per cèrtas espècias (coma l'iperodon artic).
Ligams extèrnes [modificar]
- Referéncia ITIS : TSN 180493 Ziphiidae Gray, 1850 (en)
- Referéncia AnimalDiversityWeb : Ziphiidae (en)
- Referéncia NCBI Taxonomy : Ziphiidae (en)
- Referéncia CITES : familha Ziphiidae (fr+en) (sul sit de l’UNEP-WCMC)
- Ficha e Fòtos de Balenas de Bèc
