Wikipèdia:Çò que Wikipèdia es pas

Un article de Wikipèdia, l'enciclopèdia liura.
Anar a : navigacion, Recercar

Wikipèdia es abans tot una enciclopèdia. Vaquí una lista de tot çò que Wikipèdia es pas :

  • Un grop de discussion, o un ensemble d'articles a la manièra de Everything2 o de H2G2. Ensajatz, se vos plai, de respectar aquesta règla. La tòca, aicí, es de crear d’articles enciclopedics. Wikipèdia es pas un forum de discussion, ni un sit de charladissa. Remarcatz que lo sit "Everything2" n'es pas un tanpauc ; o, pel mens, ensaja de n’èstre pas un, mas coma tolèra las discussions, n’es vengut un per la fòrça de las causas. Çaquelà, podètz discutir amb los participants sus lors paginas personalas, e podètz discutir d'un article particular sur la pagina discussion qu’i es restacada.
  • Un ensemble de definicions de tèrmes usuals, qu'a lor subjècte cap d'enciclopedista digne d’aqueste nom auriá pas agut l'idèa de crear un article d'enciclopèdia. Wikipèdia es pas un diccionari, mas cada article deu malgrat tot començar per una definicion o una descripcion clara e precisa del subjècte abordat.
  • De listas de definicions. Mas de tot segur, un article pòt èstre compausat de ligams cap a d'autras paginas, se lo tèrme que definís es tròp general per èstre descrit sus una sola pagina.
  • Una guida d'usatge de la lenga. La foncion de Wikipèdia es pas d'explicar cossí utilizar los mots, las expressions, etc. Mas, de segur, es de còps fòrça important, dins lo quadre d'un article, d'indicar cossí un mot se deu utilizar.
  • Per extension del paragraf precedent, Wikipèdia es pas tanpauc una guida d'usatge dels tèrmes informatics. Sèm pas aquí per vos ensenhar cossí parlar coma los hackers. Sèm aquí per escriure una enciclopèdia. Consultatz lo Jargon en francés se los tèrmes dels hackers vos interèssan. Mas per contra, sètz benvengut se volètz escriure d’articles, quitament fòrça especializats, suls hackers e lor cultura ; e se dins lo quadre d’aquestes articles, certans tèrmes de l'argòt dels hackers necessitan una explicacion, alara de segur se justificarà la redaccion d'un article sus aicestes tèrmes.
  • De propaganda o de promocion. Mas un article pòt, plan segur, raportar objectivament çò que dison los promotors d'un subjècte, mentre qu’aquò es fach d'un punt de vista neutre. Se volètz convéncer lo monde entièr que lo Bon Dieu dormís en pijamà, anatz puslèu sus Usenet.
  • D’ensages personals, qu’exprimisson vòstre vejaire sus tal o tal subjècte. Raportam tot lo saber uman normal : vòstras opinions ne fan pas partida, a mens que siatz excepcional. Çaquelà, podètz publicar vòstres ensages sus Wikipedia commentary.
  • Una lista de citacions o d'aforismes, Wikiquote es aquí per aquò. Pasmens, aicestas listas pòdon constituir d'excellents suplements a certans articles.
  • Una enciclopèdia occitana, mas una enciclopèdia en lenga occitana, independenta d'un país quin que siá.
  • Una colleccion de ligams. Per contra, i a pas res de mal, plan al contrari, qu'un article siá constituit unicament de ligams intèrnes, quand lo subjècte qu'explica es tròp ample per èstre definit dins un sol article ; es plan segur fòrça important de far de ligams intèrnes nombroses, valent a dire cap a d'autres articles Wikipèdia, per facilitar la navigacion, e doncas l'accès a l'informacion.
  • Un jornal o una referéncia d'actualitat
  • Un catalòg de faches, o una lista d'informacions

Contunharem probable de completar aquesta lista a mesura que descobrirem de biaisses novèls de pas escriure d’articles enciclopedics. :-)

Vejatz tanben[modificar | modificar la font]