Viana (Maranhão)

Un article de Wikipèdia, l'enciclopèdia liura.
Anar a : navigacion, Recercar
Pagina d'ajuda sus l'omonimia Pels articles omonims, vejatz Viana.

Viana es una comuna de Brasil, situada dins l'estat de Maranhão.

Geografia[modificar | modificar la font]

Comuna de Brasil, Viana se tròba a la latitud 03° 13' 12" S e a la longitud 45° 00' 14" O. Viana a una populacion estimada en 2007 a 47 466 abitants per 1 162 494 km² (densitat de 39,5).

Localizacion de la comuna de Viana dins Maranhão

Al dintre de l'estat de Maranhão, fa partida de la mesoregion del Nòrd (Norte Maranhense) e de la microregion de la Baixada Maranhense[1].

Es dempuèi 1962 lo sèti d'una diocèsi catolica que depend de l'archidiocèsi de São Luís do Maranhão.[2]

Istòria[modificar | modificar la font]

La colonizacion comencèt a l'arribada del paire jesuista Pedro Pedrosa que menava un grop d'amerindis Guajajara en 1683. La mission se nomenava Nossa Senhora da Conceição do Maracu, puèi São Bonifácio. La comuna de Viana foguèt creada lo 8 de julhet de 1757 pel governador Gonçalo Pereira Lobato e Sousa. En 1768, lo governador Joaquim de Melo e Póvoas, dins un raconte de son viatge dins sa capitanariá, informèt lo govèrn portugués de l'excellenta situacion de Viana, provesida d'una "bona glèisa" e tanben d'una escòla de maites enfants que d'unes "escrivon ben". En 1820, la vila aviá 843 abitants dont 400 amerindians "domesticats". La lei provinciala n° 377 del 30 de junh de 1855 elevèt la comuna al reng de ciutat. Dempuèi lo 1èr de genièr de 1958, la comuna compren pas qu'un districte.[3]

Administracion[modificar | modificar la font]

La cònsol (prefeito) de Viana es Rivalmar Luis Gonçalves Moraes.[4]

Personalitats[modificar | modificar la font]

Nasquèron a Viana[5] :

  • Antônio Bernardo da Encarnação e Silva (1799-1848), professor
  • Celso Magalhães (1849-1879), poèta, romancièr, critic e magistrat, un dels precursors dels estudis folclorics de Brasil
  • Antônio Lopes da Cunha (1889-1950), magistrat, professor, jornalista e poèta
  • Raimundo Lopes da Cunha (1894-1941), naturalista e etnograf

Referéncias[modificar | modificar la font]

  1. Article Viana (Maranhão) de la Wikipèdia portuguesa
  2. Article de la Wikipèdia portuguesa
  3. Viana Maranhão - MA Histórico
  4. Article Viana (Maranhão) de la Wikipèdia portuguesa
  5. Viana Maranhão - MA Histórico