Tibet
Un article de Wikipèdia, l'enciclopèdia liura.
Aquesta pagina d'omonimia repertòria los diferents subjèctes e articles que partejan un meteis nom. 
Lo nom Tibet se pòt aplicar a tres entitats geograficas:
- La Region autonòma de Tibet o Bod rang skyong ljong en tibetan e Xizang Zizhiqu 西藏自治区 en chinés. Es una region administrativa de la Republica Populara de China amb un estatut particular, coma Xinjiang (lo Turkestan chinés) o la Mongolia Interiora.
- lo replanat de Tibet, airal geografic situat al nòrd d'Imalaia, sovent apelat lo «teulat del mond», format de replanats nauts e desertics ont se quilhan de bèlas sèrras d’oèst en èst (Kunlun Shan, Transimalaia).
- l'airal de poblament dels Tibetans, que correspond a un territòri lingüistic ont lo tibetan es la lenga mai emplegada tradicionalament. Compren la region autonòma de Tibet, la region de Qinghai, una part de la region de Sichuan e de zonas frontalièras en Nepal, Botan e Índia.
La superfícia de Tibet vària de 1 221 600 km² per la region administrativa, a 2 500 000 km² per çò qu'es del Tibet istoric. La populacion compta 6 milions de Tibetans e 7,56 millions de Chineses Han implantats recentament. La capitala istorica, lo centre que tradicionalament capitaneja l'autoritat religiosa e temporala de Tibet, es Lhassa.
