Tempo (solfegi)

Un article de Wikipèdia, l'enciclopèdia liura.
Anar a : navigacion, Recercar
Duas mesuras d'un andante de Mozart intrepretat dab un tempo de 120 temps per minutas (çò qui vòu díser dab 120 trucs de metronòm per minuta).

Lo tempo en solfegi qu'ei l'anar (mei o mens lèu o mei o mens lent) d'un pèça de musica.

la paraula tempo que vien de l'italian on e significa "temps". En solfegi, totun, temps e tempo que possedeishen dus sens desseparats : lo "temps" qu'ei l'unitat de mesura de la longor de la nòtas o deu silencis (qui poden dura mei o mens d'un temps) mentre qui lo tempo que pòt obligar lo temps a durar un moment brèu o mei long segond que sia lèu o lent.

La vitessa deu tempo que's pòt estar definida precisament e dab un certe nombre de trucs per minutas (impulsats per un metronòm) e que corresponen alavetz haut o baish dab un deus noms italians autrejats respectivament (e imprecisament) aus diferent tempos possibles.

Aquestes noms que son, deu mei lèu o mei lent :

  • Prestissimo — hèra lèu (200 temps per minuta o mei)
  • Presto — hèra lèu (168–200 temps per minuta)
  • Allegrissimo — hèra lèu
  • Vivo — hèra lèuy and fast
  • Vivace — hèra lèu (≈140 temps per minuta)
  • Allegro — lèu (120–168 temps per minuta)
  • Allegro moderato — lèu mes un pauc mens que lo precedent (112–124 temps per minuta)
  • Allegretto — lèu mes pas tant que l'allegro e mei leugèr
  • Moderato — moderat (108–120 temps per minuta)
  • Andantino — un pauc mei lèu que non pas l' andante
  • Andate Moderato- un pauc mei lèu que non pas l' andante
  • Andante — literaument "anant", moderament lent (76–108 temps per minuta)
  • Tranquillamente — un pauc lent
  • Tranquillo — un pauc lent
  • Adagietto — lent (70–80 temps per minuta)
  • Adagio — lent (66–76 temps per minuta)
  • Grave — lent e seriós
  • Lento — hèra lent(40–60 temps per minuta)