Stephen Hawking

Un article de Wikipèdia, l'enciclopèdia liura.
Anar a : navigacion, Recercar

Stephen William Hawking (Oxford, 8 de genièr de 1942) es un fisician teorician, cosmològ e divulgador scientific anglés. Sas realizacions mai importantas son estadas de desvolopar, amb Roger Penrose, de teorèmas per çò qu'es de las singularitats espaciotemporalas dins l'encastre de la relativitat generala, e la prediccion teorica que los traucs negres devián emetre de radiacions, fach qu'es designat actualament jol nom de radiacion de Hawking (o de còps que i a radiacion Bekenstein-Hawking).

Hawking es membre de la Societat Reiala de Londras, de l'Académia Pontifícia de las Sciéncias e mai de l'Académia Nacionala de Sciéncias dels Estats Units. Foguèt titular de la Cadièra Lucasiana de Matematicas (originalament en anglés: Lucasian Chair of Mathematics) de l'Universitat de Cambridge dempuèi 1979 fins que se retirèt en 2009.

Demest las nombrosas distincions que li foguèron autrejadas, Hawking a recebut dotze doctorats honoris causa e es estat guerdonat de l'Òrdre de l'Empèri Britanic (al gra CBE) en 1982. Recebèt lo Prèmi Princi d'Astúrias de la Concòrdia en 1989, la Medalha Copley en 2006 e la Medalha de la Libertat en 2009.

Hawking sofrís dempuèi d'ans d'una malautiá motoneuronala (ligada a l'escleròsi laterala amiotrofica (ELA) que quita pas de agreujar sa condicion fisica long dels ans. Aital foguèt victima d'una paralisi gaireben totala que l'obliga a comunicar gràcias a un generador de votz.

Òbras[modificar | modificar la font]