Sofisme (islam)

Lo Sofisme (en arabi : تصوف, tassawuf) es una tradicion mistica e esoterica de l'Islam apareguda au sègle VIII.

Cresenças e de practicas[modificar | Modificar lo còdi]

Los sofis cercan de trobar la vertat de l'amor e la coneissença divina a travèrs de l'experiéncia personala dirècta de Dieu. Consistís en una varietat de camins mistics que son dessenhats per conéisser la natura de l'umanitat e de Dieu e facilitar l'experiéncia de la preséncia de l'amor e la sapiença divina dins lo mond.

S'organizan en fraternitats que dison tariqa (plural turuq ; "metòde", "camin") que fondèron de mèstres espirituals (cheikh). Las tariqas foguèron secutadas per qualques unas de las autoritats del sunisme perque las consideravan erètjas.

L'element comun per totes los sofis sens excepcion es lo dhikr, que se poiriá tradusir per "invocacion". Consistís en remembrar a Dieu en repetint lo sieu nom o de formulas devocionals coma la chahada (lo testimoniatge de la fe) de manièra rítmica. Lo dhikr se considèra una practica purificadora de l'arma, perque se considèra que lo nom d'Allà a una qualitat magica qu'agís sus l'arma.