Sinapsi

Un article de Wikipèdia, l'enciclopèdia liura.
Anar a : navigacion, Recercar
Illustracion dels elements màgers de la transmission quimica sinaptica. Una èrsa electroquimica sonada potencial d'accion viatja per l'axòna d'una neuròna. Quand l'èrsa encontra una sinapsi, provòca la liberacion d'una bufada de moleculas de neurotransmeteire que se fixan a las moleculas dels receptors situats sus la membrana d'una autra neuròna, sul costat opausat de la sinapsi.

Una sinapsi (del grèc synapsis: punt de joncion) es una zona de junctura entre doas cellulas, generalament doas neurònas. L'impuls nerviós es transmetut de la primièra neuròna dicha presinaptica, cap a la segonda neuròna dicha postsinaptica, mercé a un o mai d'un neurotransmeteire (acetilcolina, noradrenalina) desliurats per l'element presinaptic e activant un o mai d'un tipes de receptors. La responsa de la neuròna postsinaptica es siá una excitacion o una enebicion.