Sarah Stierch

Sarah Alexandra Stierch (Oakland, Estats Units, 26 d'agost de 1980) es una conferencièra, consultanta de musèu e activista per la cultura liura americana. Abans que trabalhèsse dins los musèus e per liberar la cultura, èra directora de club e a l'encòp disc jockey, coneguda per son pseudonim de scèna DJ Sarah Vain. En 2004, foguèt citada dins los 30 artistas de mens de 30 ans que caliá veire a Indianapolis.

Es famosa internacionalament per sa tasca d'encoratjament e supòrt a la participacion de las femnas dins lo domeni de la cultura liura e dins las comunitats culturalas. A la prima de 2012, faguèt lo discors principal a l'Universitat George Washington University durant la ceremonia de don dels diplòmas del Columbian College of Arts and Sciences. Aquela meteissa annada, foguèt causida per una borsa de la Fondacion Wikimedia e comencèt a trabalhar per encoratjar e estimular la participacion feminina dins los projèctes wikipedics.