Reaccion en cadena per la polimerasa
Un article de Wikipèdia, l'enciclopèdia liura.
La Reaccion en Cadena per la Polimerasa (o PCR de la sigla en anglés de Polymerase Chain Reaction) es una tecnica de biologia moleculara qu'a per objectiu d'obténer un grand nombre de còpias d'un fragment d'ADN particular, a partir d'una quantitat minimala. A l'ora d'ara, los equipaments son pron eficaces per en produire un fum a partir d'una sola còpia. Lo procès foguèt descrich en 1965 per Kary Mullis.
[modificar] Utilitat
Aquela tecnica servís a amplificar l'ADN. Las tecnicas d'identificacion e de manipulacion de l'ADN an besonh d'una granda quantitat de material. Après l'amplificacion per PCR, es fòrça mai simple d'identificar amb una nauta probabilitat dels virus e dels bacterias responsables de malautias, d'identificar de personas (de cadavres, criminales...) o far dels recercas scientificas sul ADN.
[modificar] Mecanisme d'accion
Aquela tecnica se fonda sus la proprietat naturala de l'ADN polimerasa a replicar de segments d'ADN, e usa de cicles de nauta e bassa temperatura per denaturar las cadenas dobles d'ADN formadas entre cada fasa de replicacion e, aprèp, daissar que tornen se jónher a las polimerases per lo biais d'una devalada de temperatura perque tòrnen las duplicacions. Les etapas principalas de la PCR son:
- 1) Denaturacion de la dòbla eliç d'ADN, ont se separan las dos cadenas que forman l'ADN.
- 2) Ibridacion de las mòrsas que son dels sequencias cortas d'ADN que son complementàrias amb l'ADN maire d'amplificar.
- 3) Elongacion, ont la polimerasa sintetiza la cadena d'ADN complementària a l'ADN maire.
