Plan de Barcelona

Un article de Wikipèdia, l'enciclopèdia liura.
Anar a : navigacion, Recercar

Lo Plan de Barcelona es una plana situada a la comarca catalana del Barcelonés. Aquela plana es dobèrta a la mar Mediterranèa e limitada per la sèrra de Collserola e al miègjorn per la falha que seguís a ran de mar dempuèi Garraf fins a Montjuïc e que puja al delà del Besòs fins al tuc de Montgat.

Lo plan bas suaument e d'una manièra regulara dempuèi Collserola mas entre la Ciutat Vella e l'Eixample se produsís una ruptura de la continuitat que produsís un saut o esglaó d'aperaquí vint mètres, coma per exemple las davaladas de las Jonqueres, de la Via Laietana, dins las carrièras de las Esmòlas, èca.

Al plan se pòdon distinguir tres sectors: lo plan inclinat, lo plan de bas (entre lo esglaó e la mar) e los tucs.

Evolucion de la linha de la còsta al districte de Ciutat Vella.

Dempuèi l'epòca romana ençà, la còsta del plan es anada en ganhant terren a la mar, sustot a causa de las rossegadas del Besòs. Son aqueles materials los qu'anèron reblint los estanhs e las albuferes e los que transformèron los tucs de las illetes, primièr, en tomboli, e après, los daissèron dins tèrra fèrma. Aqueles materials s'acumulèron darrièr lo escullera facha per protegir lo nòu pòrt e qu'arribèron a formar l'emplaçament de la Barceloneta actuala. Fin finala, l'accion dels corrents de la mar, en rosigant los materials detritics, terraplenant baias e albuferes, a ajudat a conferir a la còsta del Plan de Barcelona lo sieu aspècte rectilinèu, sens entrants ni d'accidents notables.