Phosphatodraco mauritanicus

Phophatodraco siguec un des darrèrs especimèns de pterosaure que jamès demoraren ena Tèrra pr'amor qu'ua catastrofe'ls escantiguèc amassa damb toti es dinosaures.

Phosphatodraco mauritanicus siguec un reptil voladèr escantit, apartenhent ara familha des pterosaures e demorèc pendent era fin deth cretacèu superior (Maastrichtian, hè d'aperaquí 65 milions d'annades). Es sues rèstes sigueren trapades en Marròc.

Descripcion

Aguest animal ei conegut sonque per ua sèria de vertèbres cervicals e un uas d'origina desconeguda mès qu'an permetut imaginar es sues mesures; atau que quan dubria es sues ales hèia enquia 5 m. Coma d'autes pterosaures semblants dera familha des Azhdarchidae avia un còth damb vertèbres mès longues ena base. Probablaments qu'avia un gran cap damb un bèc sense dents e un còth long e robust.

Classament

Phosphatodraco siguec classat coma un des darrèrs membres dera familha des azhdarchidae, ua familha de pterosaures damb eth còth long, plan caracteristic pendent ena epòca ena quau demoraren, eth cretacèu superior. Es fossils sigueren trapats demest es estrats de fosfats d'Oluad Abdoun ( e per açò eth sòn nom, Phosphatodraco ). Açò conferma que era sua familha subervisquèc enquiara fin deth cretacèu superior quan ua catastrofe escantiguèc plan d'animals, demest es quaus, es pterosaures.

Bibliografia

· Pereda-Suberbiola, Xabier; Bardet, N., Jouve, S., Iarochène, M., Bouya, B., and Amaghzaz, M. (2003). "A new azhdarchid pterosaur from the Late Cretaceous phosphates of Morocco". in Buffetaut, E., and Mazin, J.-M. (eds.). Evolution and Palaeobiology of Pterosaurs. Geological Society of London, Special Publications, 217. London: Geological Society of London. pp. 80–90. ISBN 1-86239-143-2.