Ostau trevat
Un ostau trevat (var. ostal / embreissat, encantat, frequentat, hantat, embroishit, hadit, practicat, hantamejat) es un ostau reputat per èsser ocupat per una trèva ò d'autrei fòrças subrenaturalas. Es diferent de l'ostau possedit qu'es caracterizat per la preséncia de fòrças subrenaturalas que contrarotlan leis abitants dau luòc.
Es un mite fòrça frequent, especialament au sen dei populacions anglosaxonas que tènon un folclòre larg centrat sus leis ostaus trevats. Ansin, en 2005, un sondatge menat dins lei populacions estatsunidenca, canadiana e britanica mostrèt de taus de cresença de l'existéncia d'ostaus trevats relativament importants (respectivament 37%, 28% e 40%)[1].