Nestòri

Un article de Wikipèdia, l'enciclopèdia liura.
Anar a : navigacion, Recercar

Nestòri (386-450) fuguèt patriarca de Constantinòple dau 10 d'abriu de 428 a aost de 431. Succediguèt a Sisinios Ièr e fuguèt remplaçat per Maximian. Seis estudis e seis ensenhaments teologics fuguèron a l'origina dau nestorianisme qu'es generalament considerat coma una eresia crestiana.

La partença dei conflictes teologics implicant Nestòri fuguèt sa prepausicion de modificar lo títol de Maria de Theotokos (maire de Dieu) per lo remplaçar per Christotokos (maire de Jèsus Crist). Per la màger part dau clergat, aquò èra una negacion de la natura divina de Jèsus. En 431, lo concili d'Efès condamnèt son òbra coma eretica e l'emperaire Teodòsi II l'exilèt dins lo sud d'Egipte. En 451, fuguèt tornarmai condamnat en 451. Pasmens, aquelei condamnacions fuguèron mau acceptadas per lei crestians d'Orient e lo nestorianisme fuguèt un corrent influent sus lo continent asiatic fins a l'Edat Mejana.