Melechesh

Un article de Wikipèdia, l'enciclopèdia liura.
Anar a : navigacion, Recercar
Melechesh au Bergen Metal Fest 2007


Melechesh es un grope de black metal format en 1993 a Jerusalèm, pas d'origina israeliana, qu'es ara establit ai País Bas. Lo grope es coneissut per seis influéncias orientalas. Siguèt format per Ashmedi qu'aguèt l'idèa de crear un black metal originau qu'inclutz d'influéncias de l'Orient Mejan, sustot orientat vèrs de tèmas mesopotamians / sumerians e ocultes, tant dins la musica coma dins lei paraulas. Coma aquò lo grope inventèt lo tèrme "mesopotamian metal" per descriure sa musica.

Lo nom Melechesh si constituisse de dos noms ebreus : מלך (melech = rèi), e אש (esh = fuec), una combinason que siguèt creada per lo grope. La prononciacion pus comuna e acceptabla deu èstre [melekɛʃ].

Lo grope comencèt de jogar en Israèl de 1993 a 1997. Si ditz sovent que lo grope es israelian mentre qu'es faus. D'efècte, lo grope si compausa de tres etnias que ges d'elei es israeliana : Ashmedi es d'origina armènia / assiriana, Moloch es d'origina assiriana, e Xul es europèu que ven dei País Bas.