Matèria degenerada
La matèria degenerada es una matèria destructurada que si compòrta coma un gas. Presenta a l'estat natural dins li estelas, apareisse a partir d'una certana pression. Es caracterizada per l'intervencion dau principi d'exclusion de Pauli a l'escala macroscopica, cen qu'a per consequéncia de modificar la relacion que liga normalament la pression, lo volume e la temperatura d'un gas. La matèria degenerada subisse ensinda una fòrça, dicha « pression de degenerescéncia », qu'es exercida per lu sieus electrons. Empacha la sieua contraccion e l'aumentacion de la sieua densitat.
Principi general[modificar | Modificar lo còdi]
Dins li condicions normali de temperatura e de pression, lo principi d'exclusion de Pauli enebisse a doi electrons de si trovar dins lo meteis estat quantic. Totun, se la densitat aumenta, d'orbitalas electroniqui son pauc a pauc juxtapauadi emb li orbitali dei atòms vesins. Quand d'electrons ocupan efectivament aqueli orbitalas, lu atòms non pòdon si raprochar mai sensa transgressar lo principi de Pauli. Aquò empacha donc la perseguida dau raprochament dei atòms e rompe la lèi dei gas perfèctes : la pression de degenerescéncia engendrada per lu electrons empacha lo volume de si redurre se la pression aumenta.
Annèxas[modificar | Modificar lo còdi]
Ligams intèrnes[modificar | Modificar lo còdi]
Bibliografia[modificar | Modificar lo còdi]
- Claude Cohen-Tanoudji, Advances in Atomic Physics, World Scientific, 2011.