Marvin Minsky

Un article de Wikipèdia, l'enciclopèdia liura.
Anar a : navigacion, Recercar
Marvin Minsky en 2008.

Marvin Lee Minsky (nascut lo 9 d'agost de 1927) es un scientific american. Trabalha dins lo domèni de las sciéncias cognitivas e de l'intelligéncia artificiala. Es tanben cofondator, amb l'informatician John McCarthy del Grop d'intelligéncia artificiala del Massachusetts Institute of Technology (MIT) e autor de nombrosas publicacions sus intelligéncia artificiala e la filosofia coma, per exemple, La Societat de l'Esperit (1986). Son darrièr obratge, The Emotion Machine (2006) prepausa de nòus desvolopaments sus aquelas teorias.

Realizacions[modificar | modificar la font]

En 1969, dins Perceptrons, coescrich amb Seymour Papert per criticar Frank Rosenblatt, mostrèt las limitas dels malhum de neuronas de tipe perceptron, coma l’impossibilitat de tractar dels problèmas non linearis o de connexitat. Aquò permetèt de balhar l'essencial dels credits de recerca cap a l'intelligéncia artificiala simbolica.

Marvin Minsky defend l'idèa que l'intelligéncia artificiala deu utilizar d'apròches multiples, coma dins la representacion de las coneissenças, puslèu que de se limitar a un sol apròche que seriá censat èsser lo melhor. Los sistèmas devon dispausar de "gestionaris", capables de selectionar las solucions melhoras a un problèma donat.

Per representar las coneissenças, Marvin Minsky desvolopèt lo concèpte de frame e lo Frame representation language.

Dins La Societat de l'Esperit, Marvin Minsky presenta l'esperit coma una arquitectura d'agents elementaris, independants, mas sustot ierarquizats. Los agents mai corrents son las linhas k (K-lines), agents de memòria de cort tèrme servent d'activar un ensems d'agents donats. L'activacion de linhas K pòt per exemple permetre de tornar una configuracion particuliara d'agents que s'averèt eficaç.

Los nèms son d'agents representant las coneissenças, alara que los nòms sont d'agents capables de tractar las coneisenças. Los polinèms permetan d'activar d'agents representant d'aspèctes diferents d'un mèsme objècte. Los paranòms permeton de manipular simultanèament diferents mòdes de representacions de las coneissenças.

Aqueles agents de basa van se combinar per formar d'agençaments de talha mai granda capables d'operacions complèxas (frames, frame-arrays, transframes). Minsky introduch la nocion de "cervèl B", que lo ròtle es de susvelhar e d'examinar non pas lo mond exterior, mas lo quite esperit (cervèl A), ne corrigent las errors o acabant amb una activitat mentala improductiva (boclas, repeticions). Aquela division de l'esperit en "nivèls de reflexion" fa l'objècte de nòus desvelopaments dins los trabalhs mai recents de Minsky.

Un sistèma intelligent dispausará de dos tipes d'agents, d' especialistas e de gestionaris. Los especialistas pòdon implementar las tecnicas conegudas d'intelligéncia artificiala per resòlvre de problèmas precises (sistèmas de basa de règlas, malhum semantics, malhum bayesians). Los gestionaris sont encargats de planificar, de seleccionar los especialistas, d'evaluar los resultats obtenguts.

Marvin Minsky es tanben le coautor del problèma de Turing, roman de Sciéncia-ficcion e thriller ont es question d'un jove gèni que concep la primièra intelligéncia artificila fòrta en 2023.

Ligams extèrnes[modificar | modificar la font]