Marqués de Montespan

Un article de Wikipèdia, l'enciclopèdia liura.
Anar a : navigacion, Recercar
Loís Enric de Pardalhan de Gondrin, Nicolas de Largillière

Loís Enric de Pardalhan de Gondrin, marqués de Montespan (1640 - lo 1 de deceme de 1701) que ho un aristocrata de Gasconha qui afrontè shens paur ni met lo rei Loís XIV qui s'avèva pres la soa esposa per favorita.

Qu'èra lo hilh de Roger Ector de Pardalhan de Gondrin, marqués d'Antin, e de Marie-Christine Zamet e, en 1663, qu'esposè Françoise Athénaïs de Rochechouart de Mortemart dab qui avoren dus mainatges : Marie-Christine de Pardaillan de Gondrin (1663-1675), Louis Antoine de Pardaillan de Gondrin (1665-1736).

Lo cople, qui devèva intallà's auprès de la cort com ac hasèvan mantuns nòble d'aqueth temps, que mancava tostemps de diners e lo marquès que devèva demorar luenh de l'ostau per'mor de las soas cargas militaras. Tot aquò que facilitè las enterpresas deu rei qui avèva arremarcat la beutat de la marquesa qui vadó la soa favorita e hasent donc deu marqués de Pardalhan un cocut oficiau.

Enlòc d'ac acceptar en i cercant quauqu'avantatge aqueth darrèr que provoquè aubertament lo rei e que he hicar suu son carròsse duas còrnas entà muishar que n'avèva pas arren a escóner e que lo desaunorat n'èra pas eth.

Que ho empresoat puish estremat dens las soas tèrras gasconas mes a maugrat d'aquò que contunhè las provocacion en hasent díser cada an ua messa per la soa hemna que considerava morta e en tornant regularament a París.