Leopold Wlach

Leopold Wlach, nascut a Viena (Austria) lo 9 de setembre 1902 e mòrt dins la meteissa vila lo 7 de mai 1956 (o 1955 ), foguèt un clarinetista austriac.

Biografia

Estudièt a l'Acadèmia de musica de Viena a partir de 1917 e ne sortiguèt diplomat ambe mencion en 1923. Cap a 1928, foguèt admés à l'Orquèstra Filarmonica de Viena. A partir de 1932 (o 1930), ensenhèt à l'Acadèmia, ont formèt un certan nombre de celèbres jogaires de clarineta austrians, coma Alfred Boskovsky e Alfred Prinz. La sonoritat de Leopold Wlach es caracterizada per sa puretat, deguda a la perfeccion del conta-ròtle de l'emission, ambe mens de vibrato que Jack Brymer.

Enregistraments

Los enregistraments de Leopold Wlach datan mai que mai de las annadas 50 e de la fin de las annadas 40. Los enregistraments brahmsians son especialament presats.

• Brahms, Trio per clarineta, violoncèl e piano en la menor, opus 114, ambe Franz Holetschek, violoncèl e Franz Kvarda, piano, origina Westminster;
• Brahms, Quintet per clarineta en si menor, opus 115, ambe lo Wiener Konzerthausquartett (1951 o 1952), origina Westminster;
• Brahms, Sonatas per clarineta e piano, opus 120, ambe Jörg Demus, piano
• Mendelssohn; Konzertstück n° 1 opus 113 e n° 2 opus 114 per còrn de basset, clarineta e piano, ambe Franz Bartosek, còrn de basset, e Jörg Demus, piano, origina Westminster;
• Mozart, Quintet per clarineta en la major, K. 581, ambe'l Wiener Konzerthausquartett (1951 o 1952), origina Westminster; idem ambe'l Stross-Quartett;
• Mozart, Concerto per clarineta en la major, K. 622, ambe l'Orquèstra filarmonica de Viena, dirigida per Herbert von Karajan; idem ambe l'Orquèstra de l'Operà d'Estat de Viena (meteissa orquèstra), dirigida per Artur Rodzinski;
• Mozart, 5 Divertimenti K. 439b (Anh. 229) ambe Franz Bartosek, segonda clarineta, e Karl Ölhberger, basson, Westminster
• Pfitzner, Sextet opus 55, ambe Walter Kamper, piano, Anton Kamper, violon, Erich Weis, alto, Franz Kvarda, violoncèl e Josef Hermann, contrabassa (CD Preiser 93111, 1989);
• Schubert, Octet en fa major, opus postume 166, D. 803, ambe Gottfried von Freiberg, còrna, Karl Oehlberger (o Öhlberger), basson, Josef Hermann, contrabassa, e lo Wiener Konzerthausquartett, origina Westminster;
• Schumann, Märchenerzählungen, per piano, clarineta e alto, opus 132, ambe Erich Weis, alto, e Jörg Demus, piano, origina Westminster;
• Weber

Nòtas e referéncias

• La partida biografia d'aqueste article es mai que mai una traduccion abreujada de l'article rus e de l'article japonés
• Los enregistraments son los que se pòdon trobar sus Amazon, la FNAC e lo catalòg de Forgotten Records