Las Pradetas (Tolosa)
Las Pradetas es un quartièr de Tolosa de prèp de 10 000 abitants situat a l'oest de la vila. Aquel quartièr es bastit d'ostalets construits dins los ans 1980, e es vengut amb los quartièrs de Lardena e de Sant Simon, un dels ensembles urbans dels pus verds e mens denses de la vila.
Aquel ensemble es constituit per 43 % d'ostals individuals. L'augmentacion de la populacion i foguèt pus fòrta de tota la vila entre 1990 e 1999. Atal del costat de Bruga, que i pasturavan encara en 2000 las darrièras fedas e los darrièrs pònis del sector, l'espaci se tròba ara urbanizat en totalitat, quitament a l'entorn de Toish.
Economia
[modificar | Modificar lo còdi]En mai d'un quartièr residencial, las Pradetas son un pòl d'activitats qu'aculhís fòrça entrepresas coma France 3, Motorola, Météo-France, lo STNA (Servici Tecnic de la Navigacion Aeriana) e La Dépêche du Midi.
Cultura e monde associatiu
[modificar | Modificar lo còdi]Se trapa a las Pradetas fòrça associacions esportivas e culturalas coma lo Collectiu de las Associacions de las Pradetas qu'amassa una trentena d'associacions CollectifParadettes.info.
En octobre de 2007 s'installèt una bibliotèca de quartièr.
En mai de 2010, lo primièr NIGLO, festenal de Jazz Manouche, se donèt dins lo quartièr de las Pradetas.