Khonso-Im-Heb

Khonso-Im-Heb foguèt un bierraire e gardaire de granièrs egipcian que visquèt durant la XIX dinastia. Aprèp d'excavacions començadas en 2007 a l'entorn del vilatge El Khokha, en genièr de 2014 una equipa de l'Universitat Waseda de Tòquio dirigida per Jiro Kondo desvelèt una tomba desconeguda. La sepultura de l'artesan es cobèrta de pinturas que representan de scènas divèrsas, e dins una d'aquestas i figuran Khonso Im-Heb, sa femna e son filh que li fa un present. La descobèrta revèla l'importància d'aqueste mestièr, que la bièrra èra en aquel temps una beguda de tota la populacion, e teniá tanben de foncions religiosas coma per la veneracion de Mut, la diva maire dels egipcians.