Jardin Reial de Tolosa

Un article de Wikipèdia, l'enciclopèdia liura.
Lo jardin reial
Lo jardin reial

Lo jardin Reial de Tolosa es un jardin public. Es situat al Busca, un quartièr al sud èst del centre. Creat per Loís de Mondran en 1754, foguèt lo primièr jardin public de Tolosa. Coma lo Grand Redond, foguèt adobat en jardin a l'anglesa entre 1861 e 1863. S'espandís sus una superfícia de 1,7 ha e fa partida dels jardins remarcables de França.

Son nom cambièt segon las epòcas. D'en primièr nomenat Jardin public de Tolosa, prenguèt lo nom de jardin Reial amb la creacion del jardin del Grand Redond. Plan segur, a la Revolucion, lo jardin cambièt de nom. Pendent lo sègle XIX, seguent las orientacions politicas dels dirigents de Tolosa, trantalhèt entre Public e Reial. Es en 1886 que venguèt fins a uèi jardin Reial de la vila de Tolosa.

Es ligat al jardin del Grand Redond per una palanca de metal passant en dessús del baloard e es ornat de fòrça estatuas. S'i trapan d'espècias d'arbres coma lo ginkgo biloba, lo falabreguier, de cèdres de Liban, un tulipièr de Virgínia, un irangièr dels Osatges e de Manhòlias.

Vejatz tanben[modificar | Modificar lo còdi]

Ligams intèrnes[modificar | Modificar lo còdi]

Jardins ligats:

Ligams extèrnes[modificar | Modificar lo còdi]

Wikimedia Commons prepausa de documents multimèdia liures sus Jardin reial de Tolosa.