Illas de la Societat

Illas de la Societat
Îles de la Société(fr)
te fenua Tōtaiete mā (Tahitian)

Superfícia	997 km2
Populacion	214 445 (2008)
Densitat	134,62

Las illas de la Societat (Îles de la Société en francés, te fenua Tōtaiete mā en tahitian) forman un archipèla de 14 illas dins lo Pacific sud, administrativament partida de la Polinesia Francesa. Existís pas un nom tahitian per l'archipèla e s'utiliza la transcripcion fonetica Tōtaiete a partir de l'anglés Society. A una populacion de 214 445 abitants (cens del 2002) e cobrís una superfícia de 1 598 km².

Las illas son divididas geograficament e administrativament en dos grops. D'èst a oèst son:

• Illas del Vent (Îles du-Vent):
  • Mehetia
  • Tahiti, ont i a Pape’ete, la capitala.
  • Moorea
  • Maiao
  • Tetiaroa
• Illas jol vent (Îles Sous-le-Vent):
  • Huahine
  • Raiatea
  • Tahaa, parteja la meteissa corona de coralh amb Raiatea.
  • Bora Bora
  • Tupai (Motu Iti)
  • Maupiti
  • Maupihaa (Mopelia)
  • Manuae (Scilly)
  • Motu One (Bellinghausen)

Lo neerlandés Jacob Roggeveen, en 1722, foguèt lo primèr europèu a trobar una illa de l'archipèla, la pichona Maupiti, mas s'i arrestèt pas. En 1767, Samuel Wallis descobriguèt Tahiti. Lo francés Louis Antoine de Bougainville, en 1768, nomenèt l'archipèla illas Borbon en onor a la familha reiala francesa. L'anglés James Cook, en 1767, la nomenèt Society Islands en onor a la Royal Society de Londres, organizatriz del viatge.