Harlan Coben

Harlan Coben en 2008

Harlan Coben (Newark, Nòva Jersei, 4 de genièr de 1962) es un escrivan american. Es famós coma autor de romans policièrs que se debanan mai que mai a l'entorn de la vila de Nòva York e subretot dins son airal nadiu, Nòva Jersei.La qualitat de las òbras del romancièr li faguèron ganhar un Prèmi Edgar Allan Poe en 1996, e l'an seguent, en 1997, a l'encòp lo Prèmi Shamus e lo Prèmi Anthony.

Un de sos romans mai famoses, Tell No One, publicat en 2001, foguèt adaptat cinematograficament en 2006 pel realizador francés Guillaume Canet jol nom Ne le dis à personne.

Biografia

Harlan Coben nasquèt en 1962 a Newark, dins una familha de classa mejana de confession jusieva. Pr'aquò cresquèt amb sos dos fraires dins la vila de Livingston. Estudièt a Livingston High School e un de sos collègas mai intims èra Chris Christie, qu'es actualament politician. Del temps qu'estudiava las sciéncias politicas a l'Amherst College, faguèt la coneissença de Dan Brown qu'èra membre, coma el, de la Fraternitat Psi Upsilon, e deviá venir tanben mai tard un escrivan famós. Aprèp sos estudis a Amherst, comencèt a trabalhar dins l'agéncia de viatges de son grand.

Òbras

Sèria Myron Bolitar

1. Deal Breaker (1995)
2. Drop Shot (1996)
3. Fade Away (1996)
4. Back Spin (1997)
5. One False Move (1998)
6. The Final Detail (1999)
7. Darkest Fear (2000)
8. Promise Me (2006)
9. Long Lost (2009)
10. Live Wire (2011)

Sèria Mickey Bolitar

1. Shelter (2011)
2. Seconds Away (2012)
3. Found (2014)

Romans divèrses

1. Play Dead (1990)
2. Miracle Cure (1991)
3. Tell No One (2001)
4. Gone for Good (2002)
5. No Second Chance (2003)
6. Just One Look (2004)
7. The Innocent (2005)
8. The Woods (2007)
9. Hold Tight (2008)
10. Caught (2010)
11. Stay Close (2012)
12. Six Years (2013)
13. Missing You (2014)