Guèrra Civila de Rodèsia dau Sud

Un article de Wikipèdia, l'enciclopèdia liura.
Anar a : navigacion, Recercar


Còde QRpedia d'estampar per un accès dirècte a aquèth article
Donadas
d · m
Guèrra Civila de Rodèsia dau Sud
Picto infobox conflict.png
Informacions generalas
Picto infobox conflict.png
Data 1972-1979
Luòc Rodèsia dau Sud, Moçambic e Zambia
Eissida Acòrds de Lancaster House

Fin de Rodèsia dau Sud
Independéncia de Zimbabwe

Belligerants
Picto infobox conflict.png
Flag of Rhodesia.svg Rodèsia dau Sud Flag of ZANU-PF.svg ZAPO

Zimbabwe African People's Union flag.png ZIPRA
Flag of Mozambique.svg Moçambic (FRELIMO)
African National Congress Flag.svg Umkhonto we Sizwe (Congrès Nacionau African)

Comandants
Picto infobox conflict.png
Flag of Rhodesia.svg Ian Smith Flag of ZANU-PF.svg Robert Mugabe

Zimbabwe African People's Union flag.png Joshua Nkomo

Fòrças en preséncia
Picto infobox conflict.png
52 000 òmes maximum 45 000 òmes maximum
Pèrdas
Picto infobox conflict.png
1 361 mòrts 10 000 mòrts

La Guèrra Civila de Rodèsia dau Sud se debanèt de 1972 a 1979. Opausèt lei fòrças de la Rodèsia dau Sud segregacionista a unei guerilhas (ZAPO e ZIPRA) sostengudas per lo (FRELIMO) (que dirigiguèt Moçambic a partir de 1974) e per lo Congrès Nacionau African en lucha còntra lo regime sudafrican d'apartheid. S'acabèt per la disparicion dau regime d'apartheid de Rodèsia e per la reconoissança internacionala de l'independéncia dau territòri sota lo nom de Zimbabwe.

Lei premiers combats se debanèron en 1966 quand certanei populacions negras comencèron de se revòutar còntra lo regime d'apartheid de Rodèsia dirigit per Ian Smith per la minoritat blanca. Pasmens, aquelei combats demorèron limitats e isolats fins a 1972 quand lei doas guerilhas de la ZAPO e de la ZIPRA anoncièron la creacion d'un comandament unificat. Ben organizada, l'armada de Rodèsia capitèt de resistir a la guerilha. Pasmens, a partir de 1974, la presa dau poder per lo FRELIMO comunista au Moçambic vesin permetèt ai guerilhas d'obtenir un sostèn militar regular dau blòt sovietic, de la China Comunista e de divèrsei país africans coma Libia, Tanzania o Zambia. La creativitat dau comandament militar rodesian permetèt a Rodèsia de resistir ais avançadas dei guerilhas mai lo govèrn blanc perdèt pauc a pauc l'iniciativa. En 1978, la situacion s'agravèt encara quand la guerilha obtenguèt d'armas antiaerianas sovieticas modèrnas. Ansin, en 1979, lo govèrn d'Ian Smith perdèt sei sostèns internacionaus principaus (Estats Units d'America, Sud-Africa, Reiaume Unit) e deguèt acceptar de negociar l'abandon dau poder au profiech de Robert Mugabe, cap principau de la guerilha. Aquò entraïnèt la formacion de Zimbabwe que son independéncia foguèt reconeguda per la comunautat internacionala entre 1979 e 1980.

Nòtas e referéncias[modificar | modificar la font]