Graffiti

Un article de Wikipèdia, l'enciclopèdia liura.
Anar a : navigacion, Recercar
Divèrs tags a Barcelona. Al mitan a drecha, un personatge femenin signat Miss Van.
Un camion « grafat », a París.
Un ostal « grafat » a Saragossa

Los graffitis existisson dempuèi d'epòcas ancianas, que d'unes exemples datan de la Grècia antica atal coma de l'Empèri Roman e pòdon èsser de simplas marcas de grafinhadas, fins a de pinturas de parets elaboradas. Uèi, aquò son los marcadors e bombas aerosòl que son mai utilizats. De còp que i a, lo graffiti es emplegat per comunicar un messatge politic e social. Existís fòrça caractèrs e estils de graffiti, aquela forma d'art mudant rapidament.

Etimologia[modificar | modificar la font]

Lo mot italian graffiti deriva del latin graphium (escarraunhada) que tira son etimologia del grèc graphein (γράφειν) que significa indiferament escriure, dessenhar o pénher. Graffiti en occitan ven de l'italian graffito, tèrme designant un estilet per escriure). Son plural italian es graffiti. Utilizam alara lo mot graffiti al singular e al plural mai se l'utilizacion del S (graffitis) es acceptada dins l'usatge. Podèm utilizar lo mot « grafaire » per designar los actors d'aquel movement.

Lo graffiti de uèi[modificar | modificar la font]

Graffiti amb estampon
Un grafaire a Bucarèst
Un letratge « Wild-Style », Berlin Alemanha

Uèi, lo graffiti es considerat coma una disciplina màger del Hip-Hop. De fach, aquela forma d'art de la carrièra es nascuda dins las annadas 1980 a Nòva York, que Taki 183, Tracy 168, Stay High 149 e autres son los precursors. Aicí, s'agís pas de comunicar un messatge politic mas de representar son nom, sa carrièra e de vegadas sa chorma. Demest los artistas los mai famoses, podèm citar Banksy, Taki 183, Obey the Giant, Flying Förtress, Daim... En França, los mai reputats son los de la chorma « GAP » coma Rizote, Orphé e Zino. Podèm tanben citar Aketo e Grems, dos grafaires que son tanben reputats dins lo rap francés.

Disciplinas[modificar | modificar la font]

Destriam generalament tres nivèls de produccion dins lo graffiti d'uèi :

Lo Tag[modificar | modificar la font]

Lo « Tag » (marca, signatura) es just lo simple dessenh del nom de l'artist. Aquò's un lògo mai qu'una escritura, e sovent, los abituats sols pervénon a deschifrar lo nom qu'es . Las tecnicas utilizadas son generalament l'aerosòl, lo marcador e lo pegasolet.

La fresca[modificar | modificar la font]

La Fresca, o « Masterpiece » es lo nom sovent atribuat als graffitis sofisticats e executats ambe mai d'una color.

Lo Throw-Up[modificar | modificar la font]

Lo « Throw-Up » es una forma intermediària entre lo Tag e la fresca, la forma que vesèm mai sovent.