Félix Loustau

Félix Loustau (nom occitanizat eventuau: Fèlix Lostau), Avellaneda, província de Buenos Aires, (25 de deceme de 1922 - 5 de genèr de 2003), jogador de fotbòl argentin d'origina occitana qui joguè dens la famosa ataca de River Plate coneguda com La Máquina.

Que joguè en las divisions inferioras deu Racing Club dinc au dia qui, aus 17 ans, un recrutaire e'u prepausè de signar per River Plate. Qu'i debutè en 1942, en bèth bastir la Máquina, dab Juan Carlos Muñoz, José Manuel Moreno, Adolfo Pedernera e Ángel Labruna.

Qu'ei atau que comencè ua de las temporas mei bonas de River Plate, qui portè 8 títols deu Campionat argentin dens la veirina deu club (1942, 1945, 1947, 1952, 1953, 1955, 1956 e 1957). Per'mor deu son fisic e deus sons movements, que ho chafrat Chaplin.

Que portè la camiseta de la seleccion argentina de fotbòl en 28 partidas, e dab era que ganhè tres edicions de la Copa América (1945, 1946 e 1947). En 1958, après aver jogat 365 partidas dab River Plate (on e marquè 101 gòls), que passè a Estudiantes de La Plata, on acabè la soa carrièra aqueth quite an.

Arron, que ho entraïnaire e professor dens l'escòla d'entraïnaires de la Federacion Argentina de Fotbòl.