Europe

Europe (Euròpa) es un grop anglofòn suedés de hard ròck, originari d'Estocòlme (Suècia). Euròpa s'inspira de mantuns grops emblematics del hard ròck coma Deep Purple, Led Zeppelin, Kiss, AC/DC, Scorpions o encara Iron Maiden.

Euròpa s'es format de caps 1979 en banlèga d'Estocòlme (Suècia) e èra inicialament compausat de Joey Tempest (cant), de John Norum (guitarra), de John Levén (bassa) e de Tony Reno (batariá). A l'epòca, lo nom del grop es Force. Lo cambiament del nom en Europe seriá en ligason ambe lo nom de l'album Made in Europe, enregistrat en concèrt de Deep Purple, un album d'un grop plan aimat dels musicians. Mai tard, Euròpa es tostemps compausat de Joey Tempest au cant, John Norum a la guitarra e de John Levén a la bassa, mas ambe aqueste còp Mic Michaeli als clavièrs e Ian Haugland a la batariá.

Après dos primièrs albums heavy metal qu'an agut de succès en Escandinàvia e al Japon tre la debuta de las annadas 1980, Euròpa ven mondialament celèbra en 1986 ambe son tresen album, The Final Countdown. Aqueste tresen album s'aluenha del heavy metal dels dos primièrs e se sarra puslèu del hard ròck melodic dels grops americans d'aquel estili comercial dich hard fm (o glam metal) caracteristic del mieg de las annadas 80 coma per exemple Bon Jovi : aital, The Final Countdown ven una capitada considerabla en se vendent a mai de 3 milions d'exemplars als Estats Units e a mai de 15 milions capvath lo monde entièr.

Euròpa es l'un dels grops de hard ròck los mai populars de las annadas 1980 ambe Bon Jovi, Van Halen, Def Leppard, AC/DC, Guns N' Roses, Aerosmith e Scorpions, vendent mai de 25 milions de disques dins lo monde. Als Estats Units, lo grop atenh lo Top 20 dels albums dins lo Billboard 200 ambe dos albums, The Final Countdown e Out of This World, e lo Top 10 dels singles dins lo Billboard Hot 100 gràcias a dos títols, The Final Countdown (que demòra la cançon la mai coneguda del grop)^[1] e la balada Carrie.

Discografia[modificar | Modificar lo còdi]

1983 : Europe
1984 : Wings of Tomorrow
1986 : The Final Countdown
1988 : Out of This World
1991 : Prisoners in Paradise
2004 : Start from the Dark
2006 : Secret Society
2009 : Last Look at Eden
2012 : Bag of Bones
2015 : War of Kings
2017 : Walk the Earth

Cançons mai conegudas[modificar | Modificar lo còdi]

The Final Countdown (1986)^[2]
Rock the night (1987)^[3]
Cherokee (1987)
Carrie (1987)^[4]
Superstitious (1988)^[5]
Open Your Heart (1989)

Referéncias[modificar | Modificar lo còdi]

[1] ttps://hardrock80fr.wordpress.com/2022/10/24/lhistoire-de-the-final-countdown-europe/comment-page-1/

[2] ttp://www.chartsinfrance.net/Europe/The-Final-Countdown-s362.html

[3] ttp://www.chartsinfrance.net/Europe/Rock-The-Night-s431.html

[4] ttp://www.chartsinfrance.net/Europe/Carrie-s480.html

[5] ttp://www.chartsinfrance.net/Europe/Superstitious-s701.html

[1]

[2]

[3]

[4]

[5]