Estereotipe

Un article de Wikipèdia, l'enciclopèdia liura.
Anar a : navigacion, Recercar

Los estereotipes son un ensems d'imatges mentals e de construccions linguisticas fruch del patrimòni cultural e d'un ensems de prejutjats e d'actituds aqueridas. Simplificant la realitat fins a venir aisinas que nos la fa mai comprensibla. Los estereotipes son fòrça necessaris per la socializacion, es a dire, pel desvolopament e l'integracion al mitan dels individús que d'una autra mena seriá agressiu, desconegut, incomprensible, en definitiva, insuportable.

Istòria[modificar | modificar la font]

Lo primièr autor qu'utilizèt lo tèrme d'estereotipe es Walter Lippmann dins Public Opinion, editat en 1922, los definissent coma imatges mentals en epigraf del capítol The world outside and the pictures in our heads, los caracterizant alara coma un mecanisme de defensa e coma una aisina de comprension per estalviar esfòrces. Quand Lippmann causiguèt lo mot estereotipe per definir lo concèpte, trapèt pas aquel mot a l'azard, mas en pensant a las taulas tipograficas (tanben nomenadas estereotipes e que coneissiá plan perqu'èra jornalista) a causa de lor rigiditat.

Lippmann crei que dins la majoritat de las situacions en que nos trobam jornalament, lo procèssus de definicion de la realitat seguís pas la logica d'observacion e de l'empirisme, mas al contrari, d'en primièr jutjam, definissèm, e aprèp miram. Observam e reconeissèm a l'entorn de signes comprensibles que representan las idèas, que completam amb nòstre jòc d'imatges. Vesèm pas aiçò o aquò, mas çò qu'i a dins nostres ments sus caduna de las realitats. Dins aquel de biais de far çò qu'es cercat es estalivar, perque temptar de veire tot amb una vista novèla, evitant los modèls, vendriá aganidor e practicament impossible. Pasmens aqueles concèptes, en mai de l'educacion sens que ne prengam consciéncia, govèrnan lo rèsta de la percepcion accentuant la diferéncia, de biais que çò qu'es familiar ven encara mai familiar, e lo desconegut ven rare o quitament exotic.

L'economia d'esfòrces, es sonque una de las rasons per que, segon Lippmann, nos arrapam als estereotipes. Aqueles tanben son una aisina per defendre de posicions dins la societat. Donan al monde un imatge ordenat, pasmens qu'incomplèt, en que cada causa a sa plaça. Atal, tota perturbacion dels estereotipes sembla una ataca contra los pilars de l'univèrs, de nòstre univèrs. Un modèl d'estereotipes doncas, mas es neutre, encara que tempta d'o paréisser.

Nòtas e referéncias[modificar | modificar la font]

  • Walter Lippmann, Public Opinion 1922