Erupcion peleana

Esquèma generau d'una erupcion peleana : (1) Plumacho volcanic important ; (2) Tombadas de cendre importanta ; (3) Dòme de lava viscosa blocant la sortida de la chaminèia ; (4) Bomba volcanica ; (5) Colada piroclastica ; (6) Penda generalament sobda ; (7) Sòcle geologic ; (8) Chaminèia volcanica ; (9) Sèrva magmatica (durada de sejorn dau magma generalament lònga) ; (10) Dic.

Leis erupcions peleanas son un tipe d'erupcion volcanica. Son caracterizats per una lava fòrça viscosa que son escolament es fòrça limitat e que forma donc un dòme de lava a la sortida de la chaminèia. Lo desagatge es fòrça malaisat e la preséncia dau dòme entraïna l'aumentacion de la pression dau magma. Aquò entraïna una explosion dau dòme que forma una plumacho volcanic d'unei quilomètres d'autor e de coladas piroclasticas sus lei pendas dau volcan. Lo plumacho causa tanben de tombadas de materiaus volcanics (cendre... etc.). L'erupcion peleana tipe es aquela de la Montanha Pelada en 1902. Es un tipe d'erupcion frequent sus lei volcans gris.

Lei riscs son fòrça importants per lei societats umanas en causa dei coladas piroclasticas e dei casudas de cendre que pòdon causar de destruccions gròssas. L'Indici d'Explosivitat Volcanica d'una erupcion peleana se situa entre 1 e 8.

• 
  Colada piroclastica durant l'erupcion de 1902 de la Montanha Pelada.
• 
  Fotografia aeriana de l'erupcion de la Sofrièra de Montserrat en 2009.
• 
  Dòme de lava dins lo cratèr d'Augustina en 1976.
• 
  Erupcion dau Mont Mayon en 1984.