Entropia (termodinamica)
L'entropia es una foncion d'estat de la termodinamica. Foguèt introducha en 1865 per lo fisician alemand Rudolf Clausius (1822-1888) dins l'enquadre dau segond principi de la termodinamica a partir dei trabalhs de Sadi Carnot (1796-1832). Per la seguida, la termodinamica estatistica a desvolopat lo concèpte qu'es interpretat coma una mesura dau desòrdre d'un sistèma au nivèu macroscopic. Ansin, au mai la valor de l'entropia es auta, au mai lo desòrdre dau sistèma es important.