Engenh explosiu improvisat
Leis engenhs explosius improvisats (EEI) son un tipe d'armas explosivas artesanalas destinats a destrurre, damatjar, alentir o distraire una fòrça enemiga. Apareguda amb l'utilizacion de la pouvera dins lo domeni militar, son generalament utilizats dins un contèxte d'inferioritat materiala que necessita lo recors a de tacticas de secutament, de guerilha o de terrorisme[1]. Son fòrça divèrs e pòdon de còps integrar de pèças d'origina militar (obús, granada...). Sei capacitats son tanben variadas mai lei dispositius pus poderós pòdon destrurre un veïcul militar o una infrastructura importanta. Per melhorar son eficacitat, son esconduts o camoflats per semblar a d'objèctes de la vida vidanta.
La deteccion deis engenhs explosius improvisats es malaisada car lei mejans tradicionaus de guèrra dei minas son generalament destinats a la deteccion e au tractament de concentracions importantas de dispositius explosius. De mai, lor neutralizacion es perilhosa en causa de la manca de fisabilitat dau mecanisme generau. Leis unitats de desminatge preferisson donc sovent entraïnar lor explosion. Aqueu risc d'explosion accidentala es tanben una menaça per lei populacions civilas.
Liames intèrnes[modificar | Modificar lo còdi]
Bibliografia[modificar | Modificar lo còdi]
Nòtas e referéncias[modificar | Modificar lo còdi]
- ↑ De còps, son utilizats per d'unitats regularas, coma de fòrças especialas, que menan de missions d'infiltracion destinadas a perturbar lei comunicacions enemigas.