Edicions 62
Edicions 62 es un ostal d'edicion catalan. Foguèt creat en 1961 per Max Cahner e Ramon Bastardas. Recebèt pr'aquò son nom actual l'an seguent que per Sant Jòrdi de 1962, an que donèt son nom a l'entrepresa, se faguèt la primièra publicacion d'una òbra màger per la consciéncia nacionala dels Païses Catalans, lo libre del valencian Joan Fuster Nosaltres els valencians. S'apondèt a l'equip de direccion inicial Josep Maria Castellet que venguèt puèi en 1964 director literari del grop fins a 1997.
L'entitat, gràcias a sas publicacions e a sa preséncia dins la societat catalana, foguèt essenciala per la normalizacion e difusion de la lenga catalana e a l'encòp per la constitucion del catalanisme e pancatalanisme actuals.