Callawayasaurus colombiensis

Callawayasaurus siguec un plesiosaure que demorèc pendent eth cretacèu en Colómbia. Aué ei classat coma un ancessor des Elasmosaurids.

Callawayasaurus colombiensis siguec un reptil marin escandit apartenhent ara familha des plesiosaures. Demorèc pendent eth cretacèu inferior (Aptian, hè d'aperaquí 120 milions d'annades). Es sues rèstes sigueren trapades en America del Sud, en Colómbia.

Descripcion

Coma toti es plesiosaures, aguest animal avie un còth long e un cap petit damb dents longues. Es pates s'avien desvolopat en aletes, mentres qu'eth cos ère plan long. Ua caracteristica de Callawayasaurus ère qu'avie un morre plan long. Ath delà, avie plan de vertèbres cervicals (56) mès n'avie mens que s'autes pliosaures semblants coma es elasmosaurids e èren plan cuertes. Hèia entre 7,5-8 m de longada e eth sòn cran 34 cm. Es sues rèstes sigueren trapades ath cant de 100 gastrolits.

Classament

Descrit per Welles en 1962 e classat coma un plesiosaure damb eth nom Alzadasarus, un aute estudi hèt en 1999 per Kenneth Carpenter confirmèc qu'apertenhie a un genre pròpi. Aué Callawayasaurus ei considerat coma un ancessor primitiu des elasmosaurids, un grop de plesiosaures damb còth plan desvolopat.

Dus exemplars adults de Callawayasaurus sigueren trapats ena formacion de Paja, prèp de Villa de Leiva (ena provincia de Boyoca, en Colómbia). En aguesti que i a ua disparietat ena estructura deth cos. Ei possible qu'açò estosse peth dimorfisme sexual. Eth nom Callawayasaurus ei tà aunorar eth paleontològ M. Calleway, es estudis deth qual ajudaren plan entà compréner era evolucion des plesiosaures.

Bibliografia

. Welles, S. P., 1962, A new Species of Elasmosaur from the Aptian of Colombia and a review of the Cretaceous Plesiosaurs: University of California Publications Bulletin Department of Geological Sciences, v. 44, p. 1-89.

. Carpenter, K., 1999, Revision of North American elasmosaurs from the Cretaceous of the western interior: Paludicola, v. 2, n. 2, p. 148-173.