Batalha de Sellasia

La batalha de Sellasia se debanèt en 222 avC durant la Guèrra Cleomenica (229-222 avC). Opausèt una armada eissit d'una coalicion entre la Liga Aquèa e lo Reiaume de Macedònia (30 000 òmes) a l'armada espartenca de Cleomenes III (20 000 òmes). En dificultat après plusors desfachas, leis Espartencs avián organizat doas posicions fortificadas a la cima de doas còlas per blocar la rota d'Esparta. L'armada dei coalizats, principalament constituïda per l'armada macedoniana dau rèi Antigones III Doson, organizèt un assaut e se turtèt a una resisténcia acarnada. Pasmens, a l'eissida d'un combat oplitic lòng e saunós, leis Espartencs foguèron obligats de se retirada. Perdiguèron de miliers d'òmes durant aquela fugida e Cleomenes III abandonèt la ciutat e s'exilièt en Egipte.

Aquela desfacha entraïnèt l'integracion per fòrça d'Esparta au sen de la Liga Aquèa. Una darriera temptativa de redreiçament aguèt luòc quauqueis annadas pus tard durant lo rèine de Nabis (207-192 avC), mai mau capitèt après una intervencion romana. La batalha de Sellasia marca ansin la premiera pèrda d'independéncia d'Esparta e una demencion fòrça importanta de son poder en Grècia.

Liames intèrnes

• Cleomenes III.
• Falanja.
• Guèrra Cleomenica.