Basina de Turíngia

Un article de Wikipèdia, l'enciclopèdia liura.
Basina e Childeric

Basina o encara Bazina, (nascuda en 445 - mòrta en 491), filha de Basin de Turíngia (390-v.462), e de Basina de Saxònia (414-?), foguèt princessa de la Liga dels Turíngias, puèi reina dels Francs salians.

Biografia[modificar | Modificar lo còdi]

Rencontrèt Childeric Ir, jove rei dels Francs salians, quand los senhors Francs, sensibles als otratges faches a lors femnas e alassats per son comportament lubric, s'aliguèron per lo destronar e l'obliguèron a fugir. Se refugièt a la cort de Turíngia pendent uèch ans abans de tornar dins sos domenis.

Childeric Ir sedusiguèt Basina, la femna del rei de Turíngia, son òste e son amic.

A la mòrt de Basin, lo reialme de Turíngia foguèt partejat entre sos tres filhs : Bodevie, Hermanfried e Berthaire. S'enseguiguèt una guèrra fratricida. Basina, lor sòr s'enfugiguèt per rejónher Childeric Ir e se maridèron 463. D'aquesta union nasquèt Clodovèu en 466.