Bar (comèrci)
Un bar (mot anglés que vol dire "barra") es un establiment comercial que s'i servisson de bevendas (alcolizadas o non) e aperitivas, mai sovent per consumir sul còp dins lo quite establiment, se fa lo servici al banc, e tanben a las taulas.
Estructura
[modificar | Modificar lo còdi]L'element caracteristic d'un bar es çò que li dona lo nom, lo (en)bar, la banca o lo taulièr, qu'es plaçat sus un parret e ont se servisson las bevendas als clients.
La banca separa lo local en doas partidas: d'un costat, la zona publica, ont demoran los clients, cachats al taulet, de pé o setats sus d'escabèls nauts. Rèire la banca, la zona privada, ont demora lo serveire encargat de donar la consomacion. Dins aquel costat de la banca, i a diverses mòbles, aparelhs e utensils necessaris per far lo servici, coma la caissa enregistradoira, un o mai d'un refrigeradors , de laissas per pausar las botelhas e los gòts, la cafetièra, eca.
Dins la zona del public, pòt i aver tanben de divertiments a la disposicion dels clients, seguent lo vam, coma un bilhar, un fotbòl de taula, jòc de sagetas, un karaoke o un piano; connexion WiFi; libres, jornals; eca.
Al local se pòt apondre una terrassa per la carrièra, amb de taulas reservadas als clients del bar. Aquelas terrassas pòdon se constituire de limitas amb d'elements diverses, cobertas de telas o para-solelhs, e dotadas d'aparelh de caufatge quand se cal.
Importància sociala dels bars
[modificar | Modificar lo còdi]Los bars son un fenomèn social popular que marquèt las abitudas e la cultura de fòrça generacions. Tradicionalament, los bars son los luòcs de las reunions informalas, qu'èran frequentats cada jorn mai sovent per un public masculin.
Malgrat aquela importància sociala, sovent los bars son considerats coma de luòcs gaire recomanables, per que se consomís de bevenbas alcolizadas, tabac (fins a l'abolicion legala d'aquel usatge) e tanben e responsable de las addiccions coma al jòc.