Un article de Wikipèdia, l'enciclopèdia liura.
Antòni Trial, cantador deu sègle XVIIIau, vadut a Avinhon en 1737. Que hasó ua grana carrièra a l'operà, au maugrat de la soa votz nasicaira, en jogant ròtles de pecs e de paisans. Per'mor d'aquò, que balhé, en musica, lo tèrme "votz de trial" per designar aquesta mena de votz. Que participé a la creacion de l'operà occitan Dafnís e Alcimadura. Durant la Terror que s'hiqué au costat de Robespierre e aquò que ho, après la caduda d'aqueth regim, sorsa de l'ostilitat deu public qui acabé la soa carrièra. Que s'morí a París lo 5 de heurèr de 1795. D'autes membres de la soa familha que s'escadèn tanben en musica en aqueth temps: lo son hrair, lo violonista e compositor Joan Claudi Trial, La soprano Maria Joana Trial, molhèr d'Antòni, (vaduda Milon), e lo hilh de Maria Joana e d'Antòni, Armand-Emanuèl Trial, pianista e compositor.
